Xanga

我係第一次打xanga,唔知開頭應該講咩好,我諗都係講下我對今年的3A有d咩感受啦~

唔知點解,我覺得今年既A班同往年比起上黎,差好遠,唔係話我地班同學壞左,而係班上大部份既同學都乖左好多,連我自己都覺得係A班讀係有意義架!我以前對A班真係冇咩期望,只係想拿拿聲講完呢3年快D唔使同班人一班,但係經過左今年,呢種感覺隨著時間流逝了,另一種依依不捨既感覺又湧上心頭,奈何,3A班要分開喇,但係都希望A班既同學唔好放棄,我地唔會係最差個班,最少有一剎那我地唔係!

講番今日啦(24/8),朝早8.30分,我又要彈起身....返學開導航先鋒既會,我都諗過下咁眼訓,不如唔好去喇,但係諗諗下我身為組長唔去又好似唔係幾好意思啵,惟有死頂返學啦~

點知,返到去,竟然得5個人...搞到我好down下,冇計啦,29號就要做service喇,5個都要照開啦

一開就開左成個鐘=-=跟住走個陣去搵miss鮑,想問下佢關於account既野,點知,佢又冇返=-=

今次死梗啦,我搵唔到佢d影印都唔知點好...走個陣竟然落大雨喎,好彩我出門口個陣靈機一觸,帶左傘傘姐^ ^,返到屋企就準備同我堂姐堂妹搵我媽咪食飯喇,話時話,我同我堂姐妹每年見面既時間都唔會超過48小時,但係just計呢幾日都差唔多破左我地既紀錄...希望我地見多d啦,唔好咁生疏

食完飯我地跟住去左海港城行街啦,嘩,個到真係好多好搞野既玩意,log on同佢完全冇得比,行到五點到,堂姐就話好tired想返屋企,咁我地咪話好囉~~(p.s 我由媽咪公司幫我d fd拎住d書行左3個鐘,真係好想係到多謝佢地=-=)

返到屋企我就即刻訓左,實在好眼訓...點知,我訓左唔夠4個字就有電話打黎,跟住d電話接二連三咁打黎,煩到我就死,跟住就食飯,後面既事冇咩好提喇,唔係,仲有一件事,我媽咪今日成功咁將部dvd機destroyed,實左太開心喇,又有新既換~~

今日好似講左好多野咁,下次唔會架喇^^"